Paul Rudolf Uhl
Motivation
Do hock i iatz - und wart grod, dass
i endli busslt wird recht boid
vo dera Muse… - De is rass!
Do konnst oft lang wartn – werst oid!
Weil: Ohne de foitt ma nix ei…
Wos kunnt i schrei(b)m – wos reimt si gscheid?
Hoit! - Iatzat moan i, - iatz könnt´s sei…
Naa! – Wieda nix! – Es duad ma Leid!
Dass s vui z´vui regnt, des kunnt i schrei(b)m;
dass `s Hochwasser und hoamsuacht boid…
Und über d Liab! – Naa, lass i blei(b)m:
Des Thema is ja scho so oid…
I moan, i woart no a poar Dog,
bis mi wos richti ärgan duad…
Dann konn i dichtn: Schlog auf Schlog!
Und – dann vageht ma aa e Wuat…
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 28.11.2008.
- Infos zum Urheberrecht / Haftungsausschluss (Disclaimer).