Paul Rudolf Uhl
Pubertät...
Erinnerungen: als ich 14 war…
Im Freibad
Ois Buam, do samma
oft im Summa
ins Freibad
gfoahrn mit unsre Radl.
Und gschaut hamma,
wia manche Madl
mit am Bikini rum
san gschwumma…
De Lale Andersen hat
gsunga (im Lautsprecher)
des Liadl „Blaue
Nacht am Hafn“,
wia do de „Schiffe
liegn und schlafn“,
und mia ham unsa
Limo drunga…
San auf da Wiesn
glegn – ham num gschaut,
woittn an Busn
sehgn und winka…
Woarn oa dabei mit
Riesn- Dinga:
Mei Liaba, do
hat`s uns fast um ghaut!
Im koitn Wassa is
des Gfuhj glei
vui kleana word, do in da Hosn…
I woaß no:
Oamoi woitt ma losn,
wer hi geht und
lodt`s auf a Eis ei.
De
Umkleide-Kabina-Hoizwand
hat Löcha ghobt,
so hin und wieda…
Do hamma durch
g`lurt – auf und nieda,
und glei woar
wieda „Bauernaufstand“…
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 19.03.2010.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)