Ursprungbuam

Die Ursprungbuam aus dem Zillertol,

 i muaß eichas song, de san mei Foll.

Waunst de drei Buam herst rennt da kolt auf,

auf so Musik hurcht mei Vota drauf.

Do san die Tränen bei ihm gruna,

do hättst ba mein Votan echt gwuna.

I wa so froh waun er des kunt hern,

wäu so a Musik hot er ghobt gern.

Wia er no am Leben bei uns wor,

sogt er oft: Kinda, singts ma wos vor.

Vier Kinda hom vierstimmig gsunga,

wia san do seine Tränen gruna.

Mia hom owa olls nur von ihm glernt,

sechzig Johr is er von uns entfernt.

Uns tuat es heit no olleweil weh,

net nur waun i sei Büld vor mir seh.

Es wor mit ihm so a schene Zeit,

owa heite is sie furchtbor weit.

Verzeiht mir, mir wor so Zumute,

ich wünsche euch nur, alles Gute.

© Margit Kvarda