Paul Rudolf Uhl
Gebote...
(de kloana Leit werdn ja ned gfrogt!)...
Die Allmacht hat scho´ moi probiert,
de Menschen a Gebot zum gebn:
Die Eva hat des ned kapiert...
Mir wissen`s: des war gscheid danebn!
Und später dann – poor Tausend Jahr -
woitt´s zehne bringa... Zehne? Hoi!
Sie hat – natürli´ - des is wahr -
ned gwißt, wia se´s uns o´drahn soi...
A so a Gfrett! - Doch oans hat´s gwißt:
Bei zehn Gebote – do werds gach!
So fangt´s mit oa´m moi´ oo... (a List !),
und - geht hausiern mit dera Sach...
Zum Inka-König Tlawaxlecht
hat´s gsogt: „Hätt a Gebot für di´:
Du soist ned Töten – is des recht?“
„Naa – des geht ned, des haut ned hi:
Mia hamm doch so vui Feind´ – `Zefix !
De müaß´ ma umbringa – vastehst?
A soichs Gebot - des bringt ma´ nix!
Mit so was wenn’st ma fei´ ned gehst!“
De Allmacht desweng dann probiert
Venedig (weil: de handln vui !):
„Ehs soitt´s ned liang – habt´s des kapiert?“
Es is a Frog´, ob ma des wui:
„A wengal liang - des brauch ma scho:
Dass d´War´ ganz frisch is - günstig aa...
Sonst lauft uns `d Kundschaft ja davo´;
zu dem Gebot, do song ma „Naa!“
Die Allmacht schnauft und kimmt dann drauf:
Kulturvölker – de mengs ned so...
Mit dene - moan i - hör i auf –
Probier´s moi mit de Eskimo!
„I hätt´ do a Gebot für eich:
De Vielweib´rei muaß aufhörn glei !“
„Des waar doch a Schildbürgerstreich...
Naa – so a Schmarrn! Des muaß scho sei`:
Bei uns is koit und mancher Mo
dafriert und duad an letztn Schoaß...
Die Sippenehe brauch ma´ scho´
zum Arterhalt – wia jeder woaß!“...
De Allmacht wui scho resigniern,
do sehgt´s an Moses auf da Höh´
bei Sinai. – Der duad sinniern...
Letzter Versuch – bevor i geh...:
„Hej, Moses horch, i hätt für di
a schön´s Gebot wos hoitst davo?“
„A Angebot? - Ja - Sakradie -
Lass hörn – i bin a Handlsmo !“
Ois Jud – do hat er den Verdacht:
Umsonst gibt’s nix auf dera Wejt...
Rabatt muaß`s gebm - des wär´ doch glacht,
drum hat er glei´ zwoa Fragn g´stejt:
Wos soitt´s denn kostn“ – Hast no mehr?“
Und denkt glei an r´an Zehnerpack...
„Für oa Talent gáb i oans her!“
Da Moses glangt glei nei in Sack:
„Do schau – Talente hob i - vier...
Konn i dafür so zehne hamm -
na nahmat´s olle ob i dir...
Mach ma´ra Gschäft – sag – kemm´ma zamm?“
Die Allmacht hat fest durche gschnauft:
„In Gott´s Nam - soisst as hamm – Bandit!”
So hat da Moses olle kauft...
- Und oisse ohne Plebiszit*!
P.U. 12.04.04
*Plebiszit: Volksbefragung, Volksentscheid
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.11.2010.
- Infos zum Urheberrecht / Haftungsausschluss (Disclaimer).