Es is wieda Weihnochtszeit

Mei wia sche is de Weihnochtszeit
in de Gschäftn san heit wieda an Haufn Leit
gibt’s dWoar um an hoibn Preis a Woche vor dem Fest
kannst da denga das des a jeda lest
 
Do wird eikauft ganz wüd
weils Göd koa Roilln spüd
ob mas braucht oda a ned
des siagt ma dahoam erst, do is sch zpäd
 
De Oane steht im Gang vorm Regal
de anda schaut ihr zua, is ihr ned egal
jetzt nimmt de glott den Schneemann, den sie gern hätt
des is jo wirkli goar ned nett
 
Grantig wird’s weis zspod is kumma
und hod ihr dafiar vor da Nosn des Geschenkspapier gnumma
ma glaubsts jo ned wos de Gier ausmocht
beim zuaschaun hob ich do scho irwinds glocht
 
Jeda moant er kummt zkurz
bei so an Preissturz
dawei is jo fiar olle wos do
schaun nur genau noh