Paul Rudolf Uhl
Schifahrn oder die WM in Garmisch
...ned vui los dort!
Ma soitt vui mehra Sport betreibm…
Drum, nix wia naus, zum Schifoahrn – schnej !
Ned oiwei drinna hocka bleibm,
weil: Schifoahrn, des is gsund – ja, gej ???
Des rumsitzn, des Fernseh schaun,
des is bequem, mit Bier und Chips…
Sich so den Dog um d`Ohren haun,
is für de Kondition ja nix…
In GAP is grod dee Weh-Emm drobm…
Naa, mitfoahrn konnst do ned – scho klar!
Dabei sei soittst – na derfst di lobm,
weil`s Ticket ganz schee deia war!
Mit koide Fiaß stehst dann am Rand…
Wenn`s schneibt, na siehgst ja aa ned vui,
und weils a diamoi regna kannt,
na bräuchads no a Paraplui…
A talk-show gibt`s im Iglu drin –
Naa, ned aus Eis – aus Kunststoff iss,
zun Aufblosn, weil des macht Sinn:
Im Schee-Iglu, do friarat`sd gwieß!
Da Haberer Ägidius*
der hat ja scho bekrittlt, dass
de Fahna rot-weiß-rot san. - Stuss!
Wia Öster-Reich – des find I krass…
An Kurpark, den hod ma ganz stoiz
zum Weh-Emm-Park gmacht – do schaug o !
Und vor`m Kongresshaus - oiss voi Hoiz
und Plastik-Berg auf Folio…
Ihr sehgts, i bin recht informiert…
Grod: Ticket hob i koans mir kafft.
Weil `s draußdn Rumsteh doch frustriert,
und weil`s aa ohne mi schlecht lafft…
* Kritisch-satirischer Kommentator in der Heimatzeitung
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 16.02.2011.
- Infos zum Urheberrecht / Haftungsausschluss (Disclaimer).