Christa Astl
Nomoi Winta (Noch einmal Winter )
I hab mi so aufs Fruahjahr gfreit,
und auf de warme Sonn
de Bank is scho vorm Haus aufgstellt -
und was hab i davon?
Herr Winta sitzt heit auf da Bank,
dick, weiß und kalt großmächtig,
straat Puderzuckerschnee rundum
wia z’ Weihnacht, - oafach prächtig!
Do Weihnacht, des is ja erscht gwen,
jetz mecht ma gean a Wärm!
Mei Bachl wead scho übamiatig,
mach scho an ganz scheen Lärm.
Jetz schaugt de Sunna wieda raus, -
Ätsch- Winta, nix is meah!
Glei rinnt a wieda weg, dei Schnee,
da Langes (Frühling) kimmt dahea!!!
ChA. 21.2.11
Die Rechte und die Verantwortlichkeit für diesen Beitrag liegen beim Autor (Christa Astl).
Der Beitrag wurde von Christa Astl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 21.02.2011.
- Infos zum Urheberrecht / Haftungsausschluss (Disclaimer).