Das sexte Gebot

An Ostern hätt  i Beichtn geh soinn
ois guada Christ – ja wos ned goar…
Moant d`Schwiegamuadda – mei, de woaß ned:
Do war i  nimma - gwieß dreißg Joahr!
 
De Resl hat ma moi vazejt, dass
de Pfaffn frogn bei Mo und Frau:
Wia oft – mit wem – Orgasmus ghabt?
Ja – und sie lusn – ganz genau…
 
A Porno-Heft brauchan`s  ned kaffa;
Da Beichtstuhj duad`s  genauso guad…
Bevor se  d´Ab-so-lu-ti-on  gebm,
do frong`s  di aus,  glei bis auf`s  Bluad.
 
Da Zölibat* hat aa sein Vorteil:
De Keuscheit nimmt ma ned so streng,
da Ehstand bleibt eahna daspart, und
des neid´ i eahna  fast a weng…
 
Es gibt do ja no mehr Gebote:
Ned fluacha, stehjn und aa ned liagn,
De Eltern ehrn, ja und so weita…
- Ob se de Kurvn sejba kriagn?
 
*Eheverbot                                                       P.U.12.05.11