Ratings

Vo so na Rating-Agentur, do hat ma
de ganzn Joahr no übahaupts nix gheart.
Ob de beurteiln kenna, wer no zohjn ko,
woaß i ned. Aba gwieß is, de san gschead:
 
Iatz denkt´s  moi dro, 2006 mit Irland -
wos ham se do de Bankn  attestiert?
Do ham de Deppn gsogt, de waarn in Ordnung…
Sechs Monat drauf, do san se kollabiert !
 
Und bei de Amis – es is ned zun glaubm –
do gebm se oiwei no des Tripl A !
A so a Schmarrn konn jeds Vatraun mia raubm:
A jeda woaß: Da Dollar foahrt in  d´Höll…
 
Und gschead is, weil sie brauchn ja ned haftn,
aa, wann`s  danebn liegn mit da Schätzarei.
Und wenn wos schiaf geht, muass as Vojk vakraftn;
An Hauffn Gejd schiabm`s  dafier aa no ei…
 
Kapitalismus – mei – wos treibt der Blütn!
De Reichn machan eahnan Beitel voi,
de kloana Leit wern ausgnomma und bschissn…
I woaß ned, wo des oiss no hifiahrn soi !
 
                                                                              P.U. 13.07.11