Mein Dörfl 04.08. 2011

Verdinnis,du Dörfl hoach übrn Klóaschtr Söibm,
du bisch miar wichtig, bisch a Schtuck va mein Löibm,
bisch fir mi s`schianschta Platzl der Welt
und bisch miar nöt foal um viel, viel Geld.

Du bisch miar Hóamat, du gibsch miar Hólt,
bisch ingiböttet in Wiesn, Berga und Wólt,
des Kirchl afn Hügl sigg man va weit
und rundummer schlófn insra liabm Leit.

Wisawi entn sig i in Schlearn,
ober miar s`Flózbiser Kreiz, sel honi bsunders gearn,
i sig a die Geisler sie sein gonz extra schian,
wenn sie göign af Nócht in Foier schtian.

Und dr Schtearnhimml isch dou erscht schian,
donkbór bin i wenn i zmorgiz sig die Sunna augian,
dónkbor bin i a für döi nettn Leit döi dou löibm
und gonz fleißig in Zommenhólt pflöign.

In Wintr isch dou a heiliga Ruah,
in Langis kimb viel Grian und Buschn drzua,
dr Summmer zóag sich meischtns in oller Prócht,
dr Hörbischt des Dörfl unvergleichbor schian drmócht.

I löib dou mein freies Löibm,
konns decht nou öpis schianders göibm,
i bin gearn dou, bin decht a sou reich,
Verdinnis du mein Dörfl, mein klóans Königreich.

Anmerkung:Verdinnis= Verdings mein Heimatdorf eine Fraktion der Gemeinde Klausen mit 450 Einwohnern auf 960m Meereshöhe