Paul Rudolf Uhl
Sommer 2011
Subjektiv beurteilt, aber objektiv gesehen: (;-))
Do rengts moi ned für zwoa, drei Dog –
und olle gfrein si: warm is, Sonn…
Falls ma des Somma nenna mog –
wos i beim bestn Wuinn* ned konn:
So koit wars sejtn, grengt hat`s zvui
mit Sturm und Blitzschläg miass ma lebm…
Wer sowos Somma nenna mog,
dem miasst ma doch a Kopfnuss gebm!
Na guad – de Arndt**, de werd ned schlecht,
weil Äpfe, Kersch, und aa an Wei(n)
gibts gnua und guad – aba, i mecht
iatz wirkli objektiv moi sei(n):
As Korn hat glittn - s gibt ned gnua…
Da Freizeitwert, der isja wohj
ganz schlecht - und aa as Freibad zua
recht oft – doch de Museen san voi !
* Willen ** Ernte
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 20.08.2011.
- Infos zum Urheberrecht / Haftungsausschluss (Disclaimer).