Jahrgangstreffen

Des Jahrgangstreffn, des is heit
und mit `ram Kirchgang, so geht´s  o…
Vo uns oane spuit Harfn gscheit,
dass ma recht andächtig sei ko.
 
Dann: Aufstejn zum Fotografiern !
Beim Bräustüberl, de Treppn is
grod recht… „Jatz lacht`s hoit, ned so stiern !“
A Viertlstund dauert des gwieß…
 
Beim Ausflug dann – zum Staffelsee
mi´m  Bus - Seehausn, Gasthof Stern
is Middog dann. – As Weda schee,
und draußt,  im Goartn hock ma gern.
 
Und Zeit zum Redn is: „Woaßt as no,
da Lehrer Binder? – Tatzn ge(b)m…
Mei – der war streng – gfiacht hamman scho!“
Und über Krankheit gredt - und `s Le(b)m…
 
A Schiffalfahrt,  an Kaffeeklatsch,
da Woifgang spuit und singt dazua.
Ma findt koa End, vo lauta Ratsch…
So gmiatli – ma kriagt goar ned gnua!
 
Auf Garmisch zruck, am Hausberg hint,
da klingt da Dog no pfundig aus:
A Hausmusi, Omdessn gschwind,
„D Organisation“ kriagt ihrn Applaus…
 
                                                               P.U.  18.09.11