Kinder

Wos Kindr brauchn, wirklich brauchn, isch nöt viel,
aus die oanfochschtn Sóchn mochn sie a Spiel,
an Sondhauf brauchn sie zi wiahln,
a Wósserlócka drin ouzikiahln,
Schtoana auzischichtn,
Brötter a Haus auzirichtn,
an Röchn und an Böisn,
a Buach zin löisn,
a Giwond des sie schmutzig mochn terfn,
an Bóll hin und hear zi werfn,
an liabm Menschn der a Auga af sie hot,
der a ehrliche Óntwort gibb wenns Kind fróg,
vor olm brauchn Kindr Geduld und Zeit,
nor werns Leit.