Paul Rudolf Uhl
Verstand und Wahnsinn...
…angelehnt bei Bertrand Russel (brit. Philisoph)
Mia ham se beibrocht, dass da Mensch
begabt is mit so na Vanunft…
De suach i iatz scho siewazg* Joahr –
Ja, ja - seit meina Niedakunft !
Hob Ausschau ghoitn, jedn Dog
noch da Vanunft – hob`s nirgnds gsehng.
Im Gegnteil, da Wahnsinn herrscht !
Hob fast scho nimma hi schaun mögn…
I woaß, dass Völka mit Kultur
auf so an Schreier rei gfoinn sand
und Massnmord und Grausamkeit
vaübt ham – olle mitanand…
Weil: Hämmert ma de Leit oft gnua
ins Hirn an greßtn Bledsinn ei,
wird`s glaubt und weita trogn dazua
(des muaß dann Propaganda sei) !
Und sogt dann oana wos dagegn
und mecht vanünftig diskutiern,
dann wer er nieda gmacht – vahaft …
Den muaß ma doch exekutiern !
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 03.11.2011.
- Infos zum Urheberrecht / Haftungsausschluss (Disclaimer).