Domois*

Des san genau hundatzehn Joahr,
do is durch unsa scheene Stodt
`s erst  moi a Auto gfoarn - `s  is woahr !
Und des hat acht PS grod  g`hot…
 
De Rössa, de ham panisch g´schejt,
de Leit ham gafft – ja, do schau hi !
Und manche hat glei packt da Neid:
Mecht aa so oans – ja, Sakradie…
 
Für Autos  war`s  a Paradies,
weil auf da Straß war no koa Stau,
wia`s  heit auf Autobahna is…
Koa Tempolimit – ja, genau !
 
Und as Benzin hat kaum wos kost !
Na guad - da Roafn war oft platt…
Da Karrn is aa ned schnej varrost:
Do hat ma no koa Strei-Sojz  gha´t.
 
Ob de Erfindung wirkli für
de Menschheit guad war?  - Woaß ned… Mei,
des is so wia mit Schnaps und Bier:
Konn Segn oda Fluach ja sei…
 
*  damals                                                P.U.  06.11.