Advent

Und wiedr isch Advent
und wiedr´wert krennt
und wiedr wert s`Christkindl kemmen
und miar wern fürs wohre Weihnochtn
holt wiedr koana Zeit fennen.
Miar wern putzn, bóchn und Packler kafn,
und am eigentlichn Sinn vorbeilafn.
In Bethlehem Schtóll hot sich Jesus
ols Giburtsort ausgsuacht,
und hot nöt a blitzsaubers Hotel gebuacht.
Drum lossmer des Kindl a ba ins inkeahrn,
a bisl a Schmutz und a Schtab tuats jo gor nöt schtearn,
lei Wörma tats suachn in dear kóltn Zeit,
und dass a wian meahr zufriedn warn die Leit.
Wo Menschn sich mögn und guat zuanondr sein
sem wert Jesus geborn,
drum isch er a domols in den ormselign Schtóll
nöt drfrorn.