Anna Steinacher
Langisschpaziergong
Wear mit offne Augn schpaziern geaht,
und oftamol aa schtilla schteaht,
wear Wiesn,Feld und Wold betrochtet,
wear Schtaudn und Buschn a beochtet,
dear sicht sooo viel schiane Sochn,
döi ihn oanfoch glücklich mochn.
Ear heart des Bachl rauschn in Groubm,
ear schpürt die Reh döi sich verzouchn houbm,
ear heart wias rundummer singt und pfeift,
und gschpürt wia Freida sein Herz ergreift,
ear schmöckt in Langis jo foscht schun s`Hei
und sein Gemüat des wert gonz frei,
s`Herz isch donkbor und voll Freid,
sie isch iaz do die Langiszeit.
Die Rechte und die Verantwortlichkeit für diesen Beitrag liegen beim Autor (Anna Steinacher).
Der Beitrag wurde von Anna Steinacher auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.03.2012.
- Infos zum Urheberrecht / Haftungsausschluss (Disclaimer).