Nord- und Südtirol, unsa Hoamat

 
 
 Sprach und Mundart san vaschiedn,
aba`s Denkn und Fühln is gleich –
und unsa Land hat den gleichen Namen,
geht üba zwoa Staaten, san mia denn net reich?

 

Anna:  Südtirol
 
Bisch oansom amol, nar kim zu miar,
mein Dörfl, mei kloanes, des zoag i diar,
i zoag diar die Berga und s´Lond,
kim, i nimm di bei dr Hond.
 
I zoag diar die Kircha, in Schlearn,
s`Flotzbiser Kreiz, in Himml voll Schtearn,
die Geisler wenn sie in Foier schtian,
loss ins mitnondr übr die Olmen gian.
 
 
Christa:  Nordtirol
 
Uns wennst na zu mia kimmst,
na mach ma ‚s ins fei!
Zschnachts hock ma ins auße
auf a Glasl Wei’,
 
in da Friah wenn d’ Sunn aufgeht
kust an Koasa scho sehng
adiam moi da steckt a
in d’ Woikn a weng.
 
Und fahrn ma zum Brenna,
steing auffe auf d’Heh,
schaung nach Südn und Nordn,
’s is iwaroi schee.
 
 
April 2012

Ich möchte hier die Vielfalt unserer (Gesamt-)Tiroler Mundarten aufzeigen, die sich teilweise bis heute noch erhalten haben.
Anna wohnt ca. 100 km südlich vom Brenner, Christa etwa 100 km nordöstlich davon.