Paul Rudolf Uhl
...innen...
Gleichstellung : Hase/Häsin, Fuchs/Füchsin…
Heit sogt ma nimma bloß „Kollegn“
„Kolleginnen“ stejt ma vorn dro!
Und wia da Herrgott gmacht hat d Menschn,
do woars ganz gwieß ja grod aso:
A Menschin is Eahm dann no glunga
(de Fischinna hats lang scho gebm,
grod späta – noch da Katastrophn
dean Saurierinna nimma lebm) !
An Stier sei Wei ist dann de Stierin –
Ja, oda soitt ma Bullin sogn?
Und noch da Brunftzeit vo de Hirschn
dean d Hirschinna ihr Kloans austrogn…
I zoag da Frau an Salamanda,
an schwoarz/gejbn, im Woid do drin.
Do hear i n schrein: – „Ja –Sakradie,
i bin a Salamandarin!“
P.U. 02.12.12
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 02.12.2012.
- Infos zum Urheberrecht / Haftungsausschluss (Disclaimer).