Roswitha Zipperer
Do bin isch dehäm!
(Vorderpfälzer Mundart)
Moi Sternzeiche steht uff Zwilling
misst ihr wisse;
do packen em als Reiseg´lischte
donn pack mer´s Auto
fahren fort
egal wuhie -
hauptsach, en schäne Ort.
Isch det mol gern Idalie seh`
a de schäne Gardasee,
quer durch Fronkreich det isch brause
her in Spanie ´s Meer donn rausche,
det bei Griesche grieschich esse,
treff in de Türkei bekonnte Hesse,
ach det´s mich in de Norde ziehe,
wonn in Hollond Tulwe bliehe,
vun Dänemark noch Skandnavie
vun dort det isch noch Russlond lafe;
wonn´s mir noch ging,
wärn mir so stennisch nur uff Achse.
Awwer noch Woche det donn e Sehnsucht in mir wachse.
So, wie´s misch in die Welt naus zieht,
lebt in moim Herz do drinn e Bild.
Fahr isch noch Speyer iwwer die Brick,
do fallt moin allererschte Blick
uff unsern Dom, uff unser Stadt,
un wäs uff was isch uff de Hämfahrt ward
isch wäs, vun was isch auswärts träm
IN SPEYER - DO BIN ISCH DEHÄM!!!
Die Rechte und die Verantwortlichkeit für diesen Beitrag liegen beim Autor (Roswitha Zipperer).
Der Beitrag wurde von Roswitha Zipperer auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 31.01.2004.
- Infos zum Urheberrecht / Haftungsausschluss (Disclaimer).