Paul Rudolf Uhl
KETZER
(und Inquisition?)
Wos d Obrigkeit ja goar ned mog,
is so wos wia r an Dissident*…Und domojs, vor fünfhundat Joahr,
do hat ma s oafach „Ketzer“ gnennt.
A Ketzer sogt sei Meinung frei –
a so oana is nia bequem…
An sojchan muaß ma ausradiern,
der passt partout ned ins System…
Dem macht ma oafach an Prozess,
und hängt eahm a Vabrechn o:
an Raub, an Mord, a Hexarei…
Werd eigsperrt, gstoanigt – oda so…
Zumindast werd er mundtot gmacht -
so is da Menschheit ihra Gschicht…
Da Putin macht des aa ganz schlau:
Der schleppt an so oan glei aufs Gricht !
Dem Chodorkowskij ham s es aa
so gmacht – dass i a Beispuj sog –doch, dass in Deitschland so wos gibt,
is ebbas, wos i goar ned mog !
Herr Mollath – mei, der hat si traut…
Den ham’s ins Irrnhaus – goar ned bled !
Für mi is des a Zeichn, dass’ s
ins Mittlojta zruck jatz geht…
* Abweichler P.U. 29.07.13
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 30.07.2013.
- Infos zum Urheberrecht / Haftungsausschluss (Disclaimer).
web.de (Spam-Schutz - Bitte eMail-Adresse per Hand eintippen!)