"Resi für imma"

Da Felix lasst se tätowiern,
am Oberarm ganz groß;
er hot a neis, resch Weibaleit,
de lasst er nimma los.

"Resi für imma" ois Tattoo,
in Schwarz und aa in Rot,
damit er zoagt, dass er sie mog,
und ois sei Freindin hot.

Er trogt stets ärmellose Hemd,
dass ma den Nam aa siehgt;
do scho im nächstn Fruhjahr drauf,
er gar a andre kriagt.

Sei Melanie, so hoaßt de Nei,
is deswegn recht erboßt,
und darum geht seit dera Zeit,
er nia mehr ärmellos.

Oskar Stock