E B O L A

Ebola      (ich habe da nicht mehr viel Hoffnung)
 
Wos muaß i in da Zeitung lesn?
A Anschlag auf de Hejfa in
Guinea! – Bürga san des gwesn!
Ja, macht des Hejfn do no Sinn???
 
De wojn koa Hujf! Konns ned kapiern!
Umsunst san de Milliona bloß,
de mia do druntn inverstiern…
De Angst vorm Schutzanzug is groß…
 
Und dass ma isoliert werdn muaß,
vastehn se ned. Sogn, dass ma do(ch)
de Gstorbna oglangt so zum Gruaß
wia s Brauch is, grod a letzts Moj no(ch)…
 
D Infrastrukur, de fehjt total…
Da Abaglaubn bremst oiss aus -
do miaßt ma aufklärn, radikal…
Warum passiert des ned? – A Graus
 
is, dass d Regierung des ned kneist*
und koana do dagegn wos duad…
Und wanns uns aa vor Mitleid zreisst:
Oiss geht valoarn, des werd ned guad!
 
* erkennt                                                P.U.  21.09.14