S Mariele

`S Mariele woar – domojs, ois Kind –
 a rechts Krebetzal*, wia ma sogt.
Zaudürr und wengal blass ojwej;
de Schwindsucht hat se fast scho plogt.
 
Ansonstn woar se ganz normal,
recht guad woar aa da Appetit;
grod hi gwachsn an sie is nix.
Und sportlich woar se hojbwegs fit.
 
Dann: d Pubatät… `S is runda woarn
und „obmrum“ wachst aa Hojz gnua hi,
und d Hüftn, de ham zuaglegt no.
A saubas Weib – ja, Sakradi !
 
Heit is se dreißge, „guad beinand“,
wia ma zu sojche hojt moi sogt….
Zwoa Zentna hats, so dass se aa
sognannte „Übagrößn“ trogt…
 
Da Appetit is ihr Problem…
 „A Dicke“ is, se fügt si drei –
Bewegungsmangl kimmt dazua…
Vo Schwindsucht konn koa Red mehr sei…
 
* dünne, kränklich aussehende Person
 
                                            P.U.  09.05.15