Paul Rudolf Uhl
Bayernhimmel
Genau weiß ich es nicht, was in Bayern alles
unter „Sünde“ fällt…
A woarma Summa is so schee:
Konnst je(d) n Dog zun Schwimma geh…
Des scheena aba is – gib’s zua:
in’n Biergoartn in olla Ruah.
Ob Weißbier oda Radlamaß,
dazua no an Kartoffekaas,
poar Würstl, Obaatzn, an Speck,
da frisst ma doch ganz schee wos weg…
Heart da schee Summa lang ned auf,
hast glei poar Kilo mehra drauf!
Mir is genau so ganga – drum
muaß obnehma i… – Des is dumm…
I drink beim Fernsehn iatzt auf d Nacht
koa Bier mehr! Mensch, des waar doch glacht!
A Wossa schlenz i in mi nei…
I hoff, des werd koa Sünd ned sei
im Bayernlandl ?- Do waar s aus…
- Leicht sperrt ma mi vom Himme naus,
wann i moi sterbm muaß? Des waar gscheart
und aa des Obnehma ned wert!
P.U. 02.08.07
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 24.06.2015.
- Infos zum Urheberrecht / Haftungsausschluss (Disclaimer).