Christa Astl
Auf der Flucht
Wissn mia, wea 's de Leit geht,
de vo weit weg zu uns hea kemma?
Dahoam wean s' umbrocht, und daschlong,
ums Lebm miassns renna.
Vo jedn Land weans weida gschobm,
se suachn grod an Friedn,
a Platzl, so se lebm kenntn,
na warn se eh schon zfriedn.
Vü mechatn na wieda zruck,
wenn s' kanntn, in eah Land-
Jetz höjf ma hoid, so guad ma kenna
mit Essn, Göjd und Gwand.
Boid kimmt na Weihnacht, d' koide Zeit,
mia sitzn in da Wärm,
und de Leit friarn und jamman,
und Kinda heat ma plärrn.
Herbergsuach auf Weihnacht,
jetz zoang ma, ob des geht,
ob eppa no de Weihnachtsgschicht,
aa mitn Herz vasteht?
ChA 26.09.15
Die Rechte und die Verantwortlichkeit für diesen Beitrag liegen beim Autor (Christa Astl).
Der Beitrag wurde von Christa Astl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 12.12.2015.
- Infos zum Urheberrecht / Haftungsausschluss (Disclaimer).