a guade Nocht !

                                             Schräge Gedanken:
 
De Brujn konn i jatzt owa doa
und d Armbanduhr leg i danebm,
weil, wann i schlof, do brauch i koa
Spektiv*, brauch s ned zun Draam dalebm.
 
Zun Schlaffa brauch i aa koa Uhr:
In Draam, do is Zeit oanalei
und es is eh ojss so obskur** –
hob ja mei inn’re Uhr dabei !
 
Hob oft scho draamt, i kunnt jatzt fliagn:
Weng ruadan mit de Oarm, des glangt !
Und wos vo dera Flugsojm*** kriagn
muaß i. - Hob mi aa scho bedankt

bei meina Hex (Gerlinde hoaßts !) -
hat auf Walpurgis ned oiss braucht…
Na is scho a weng leichta – woaßt?
Weil s ohne Flugsojm mi scho schlaucht…
 
Da Blocksberg is mia z nieda, i
fliag nei ins Hochgebirg a Weil’ –
do mecht i jede Nocht fast hi:
Auf d Gipfe nauf – Juhee – Berg Heil !
 
* Beobachtungsglas     ** verwaschen   *** Flugsalbe 
        
                                           P.U.   24.05.16