Die Fußball- EM

De Moastaschaft fangt iazad o!
Ma hofft, dass s Weda mitspujn duad,
dass Deitschland wieda gwinna ko!…
Fast sicha, dass ned regna duad -
 
so moant da Wedadienst, und der
muaß s wissn – fia wos hamma n denn?
Und Grillparty und Public View,
des funktioniert, wia i des kenn…
 
Ukraine – unsa erstes Spuj –
des werd ma schaffa – sowieso,
weil ma ja Sieger werdn wuj…
I schaug ma ojss im Fernseh’n o…
 
Und wenn da Yogi* streng gnua is
und sorgt fia guade Konditio(n),
na miaß ma Moasta wer’n – wenn ned,
dann schrei i Zetermordio !
 
                                              P.U.  09.06.16
 
* heißt natürlich Joachim (Jogi). Yogi ist ja ein lehrender Mann
   im Sanskrit – könnte passen, gell? (;-))