Paul Rudolf Uhl
Friseur müsste man sein...
Jatzt hob i in da Zeitung glesn:
Da Herr Hollande hat an Friseur,
an fest ogstejtn, braucht er öftas
am Dog. – Ja der Friseur hats schwer…
Und er vadient zehntausnd Euro
im Monat! - Mei, des muaß scho sei…
Wahrscheinli, weil er gojdne Händ hat.
Jatzt aba kimmts – des haut doch nei:
Des zohjt ned da Herr Präsident, naa -
lust s zua, ehs Leit - des zohjt da Staat!
Da Steiazahla muaß des blechn…
Ob da Hollande no olle hat???
Naa – olle Hoar hat er wohj nimma,
fia eahm langat a feichta Schwamm…
Ob de Franzosn des aa wissen?
Schlogatn d Händ am Kopf gwieß zamm!
P.U. 14.07.16
Woaß jemand, wia des bei unsara Merkl gereglt werd?
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 15.07.2016.
- Infos zum Urheberrecht / Haftungsausschluss (Disclaimer).