Herostraten

Ein Herostrat begeht Verbrechen oder Untaten, damit
 sein Name in die Geschichte eingeht…

So langsam woaß i aa, warum grod
so vuj Vabrechn ausgfiahrt wern:
De wojn se bloß an Nama machn,
berühmt wer(d)n aa… - Ja, meine Herrn!
 
Da oane foahrt mit so an Lastwogn
siebm Dutzad Fuaßgänga  glei tot,
da anda  killt mit Beil und Messa
im Zug fünf Menschn - Sappralot!
 
Der Breivik is ja aa berühmt worn,
mit Bombn , tote Kinda und
er hat damit dann aa no o gebm…
Im Hirn woar der bestimmt ned gsund…
 
Und no oana murkst in ra Disco
glei so a fuchzig Schwule ob…
Vielleicht denkt s ehs wia i des sejbe:
Dass i do koa Vaständnis hob?
 
Napoleon und aa da Hitler -
vielleicht jatzt bojd da Erdogan
beim Hitler woarn s Milliona Judn,
und bojd aa Kurden? - Mannomann…
 
                                          P.U. 19.07.16