Paul Rudolf Uhl
Impact
Sternschnuppn und Meteores,
de do aus m Wejtraum kemma,
machan moj de Wejt kapores,
aba so ernst derfst s ned nemma:
Meistns sans grod kloane Trümma –
Ja, und de vagliahn ganz schnej und
wer oan sehgt, derf si wos wünschn…
Bei so Wünsch, do geht s recht rund:
Liabsglück werd am meistn gwunschn.
Mancha wünscht si mehra Gejd, weil
do damit konnst Wünsch erfülln, doch
oft kimmt grod as Gegnteil…
Kloaplanetn, Asteroidn –
de wann einschlogn – merk da s guad –
dann brauchst dia goar nix mehr wünschn,
weil dia nix mehr weh dann duad…
P.U. 12.07.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 27.07.2016.
- Infos zum Urheberrecht / Haftungsausschluss (Disclaimer).