Paul Rudolf Uhl
Oktober
Summa is iatzt wirkli umma…
Schnej is ganga - ned zum glaam!
Wer no Bodn mecht, der hat Kumma:
kojt werd s – aus – vobei da Draam!
Heit, am fuchzehntn Oktoba
sand de meistn Baam no grea*
Des liegt an dem Regnsumma –
vorigs Joahr scho gejb und schea**.
Spat geht oft da Newe wegga:
Manchmoj erst am Nomiddog!
Schnej werd s Nacht – s is zun Daschrecka -
Wos i aa ned so gern mog...
Zwar werdn Baam jatzt langsam gojdn -
des is, wos mi richtig gfreit ...
Nimm Dein Anorak, Dein ojdn -
dean ma Wandan, Frau, sei gscheit!
S Weda miaß ma hojt so nehma,
wia s grod kimmt, do konnst nix doa...
Auf an langa, schena Hirgst, do
hoff i gwieß ned ganz alloa...
*grün ** obb.: schön P.U. 15.10.16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 16.10.2016.
- Infos zum Urheberrecht / Haftungsausschluss (Disclaimer).