Paul Rudolf Uhl
FLUGSTREIK
Scho wieda streikt as Personal
bei Lufthansa – A Sauarei!
Ja, dene is des wurschtegal…
I mecht varroasn – aba glei!
In Deitschland und in ganz Europa
geht nix mehr fast, wohi zun Fliagn…
Wos dua i bloß – s is zun Vazweifln –
Wohi konn i a Flugroas kriagn?
Wos? – Langstreckn sand ned betroffn?
HURRA! – Na woaß i scho, wohi –
Des kimmt mia grod recht, i sogs offn
und foj aa glei in d Euphorie:
I wojt ja ewig scho in d Südsee,
de feschn Hula-Madln sehgn…
Jatz hob i endli moj an Grund, aa
Mit dene an Kontakt zun pflegn…
Wos? – D Eh’frau, de is fest dagegn?
Und a Blamasch mechts mia daspoarn?
I mecht de Madln ja grod sehgn –
ned obandln - a so a Schmarrn…
Foto Uhl (in München) P.U. Nov 16
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 22.11.2016.
- Infos zum Urheberrecht / Haftungsausschluss (Disclaimer).