Paul Rudolf Uhl
Triebschnee
Foto: Uhl
Woar ma gestan am Dreisessl…
D Sonn hat gscheint, da Himme blau…
Windig woar s, da Böhmwind blosn
hat do drobm, es woar a Schau:
An de Baam hat er glei ogstaut
Gangln*, Wächtn, Schattn, Liacht…
Oafach pfundig hat des ausgschaut!
Ebbs, wos ma grod sejtn siacht…
Hob drum hundat Bujdln gschossn,
Weil, des is bizarr doch pur!
Schau, da Wind, der is a Künstla…
Herrlich is doch de Natur!
*durch Wind entstandene Strukturen, Sastrugis P.U. 21.01.17
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 21.01.2017.
- Infos zum Urheberrecht / Haftungsausschluss (Disclaimer).