Margit Kvarda
Mei Cholesterin
Herr Doktor, wos soll ich tuan,
i hob zu vü Cholesterin,
ob i vielleicht desholb,
a bissl mollig gworden bin.
Meine Tricliceride,
is drastisch in die Höh gstiegn,
Der Leberwert und die Harnsäure,
bliebn net untn liegn.
Olles is extrem in d Höh gschnöt,
und hot meine Gesundheit,
total auf den Kopf gstöt.
Herr Doktor,
wos kaun i jetzt mochn, wos is zu tun,
soll i es dabei belossn und mi endlich ausruhn.
I iss sämtliche Kuchn, nur mehr ohne Schlog,
da i eam ohnehin scho laung net vertrog.
Kan anzign Kilo hob i ognumma,
im Gegenteil,
i hob no anige dazua bekomma.
Des fette Fleisch, mochte i friacha sehr,
net mol mogaren Kümmelbrotn iss i mehr.
Wos kau do no meinen Leberwerten schodn,
mit dem Alkohol, geh i a nur mehr bodn.
Zu vü Harnsäure fördert bekauntlich die Gicht, Hülsenfrüchte essn, derf i überhaupt nicht.
Da Bluatdruck und da Puls, san enorm gstiegen,
soll i aufsteh, oder bleib i bessa liegn.
Alkohol tuat vadaumt da Leber weh,
Hülsenfrüchte, treim die Harnsäure in d Heh.
Süßes erhöht die Tricliceride,
Eisnmaungel mocht mi so müde.
I moch täglich 20 Liegestützn,
tua dabei owa net sitzn.
Mit d Händ klotschn, mit d Fiaß drückn,
und lieg dabei owa am Rückn.
Fettes Zeug erhöht jo mein Cholesterin,
Herr Doktor, bitte,
schauns noch, ob i no am Lebn bin.
© M.K.
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 01.11.2005.
- Infos zum Urheberrecht / Haftungsausschluss (Disclaimer).