Margit Kvarda
Die Liab is a Safnblosn
Die Liab is aus Granit, doch spüt man sich damit. Du kaunst es gor net foss´n is die Liab a Saf´nblos´n. Die Liab is aus Eisen, du wüst es beweisen.
|
|
Doch wias holt so geht,
es gelingt da do net.
Weil die Liab is a Saf´nblos´n,
wos sitzt auf deiner Nos´n.
Die Liab is aus Sta,
wi a ungebor´n´s Kind.
A Saf´nblos´n is´d Liab,
a Wossa wos triab.
Die Liab is aus Holz,
am Anfang bist stolz.
Das Blott follt auf´d Goss´n
die Liab wird zur Saf´nblos´n.
Die Liab is aus Papier,
am Anfang g´hört´s dir.
Sie lost si so schön beschreib´n,
und doch kaun´s net bleib´n.
Ka Vogel wü si einsperr´n loss´n,
die Liab is a Saf´nblos´n.
Die Liab is a Gedaunk´n,
im Wind tuat sie schwaunk´n.
Wi a Moler der sei Büd verpotzt,
wi a Saf´nblos´n die zerplotzt.
A Saf´nblos´n is´d Liab,
a Wossa wos triab.
A Vogel im Wind,
a ungebor´n´s Kind.
Die Liab is a Safnblos´n wor´n,
nimmst es ind Haund scho host es verlorn.
Die Liab wa wos Schönes,
doch glaub net daron,
Wi a Saf´nblos´n fliagt´s da davon.
© M.K.
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 12.11.2005.
- Infos zum Urheberrecht / Haftungsausschluss (Disclaimer).