Herr Dokta

Herr Dokta i waß net wos ma heite föd,
i kaun ihna nur song, dass man et guat geht.
I hob kane Schmerzn, mir tuat olles weh,
besondas waun i va da Orbeit ham geh.
I hob ma scha denkt, i bleibat gaunz tuat,
und orbat holt den gaunzn Tag sowos furt.
Geht net do kaun i mi glei ham fihrn lossn,
wäu do follat i jo zaum auf da Stroßn.
Wos i do a schau olles ausprobiert hob,
Herr Dokta glaums, muaß i a amoi ins Grob.
I sogs jo beim Lieng, kaun i nimamehr steh,
und beim Steh, kaun i übahaupt nima geh.
Herr Dokta, i wass wirklich net wos mir föd,
da Dokta:
Mein lieber Herr sie san ma a schena Höd,
wos? Sche und a Höd, des aus ihrem Mund,
des is do zum Gsund sei jo wirkli a Grund.
Herr Dokta,
ins Fitness bin i scha moi gaunga,
do homs a mit mir nix kena aufaunga.
I hätt solln mit ana Haund des Hantl hem,
auf amoi hots hinta mir an Krocha gem.
daun bin i gfesslt gleng und des am Ruckn,
mit Händ und Fiaß a Gwicht no aufe druckn.
Des wos i dadruckt hob, hot owa gstunkn,
daun hob i unschuidig a Wossa trunkn.
Auf an laungan Bandl hätt i solln renna,
i hob erna glei gsogt wos mi jetzt kena.

© M.K.