Genie und Wahnsinn

De zwa jo Zwüllingsgschwister san,
de so zaumpassn, kenn i kann.
A Genie lebt jo eh im Wahn,
sei Hirn is net groß, es is klan.

Auf an Gebiet isa fixiert,
wos aundas erm net intressiert.

Do kauna voi einesteign,
und sei können ollen zeign.
Darum sogt ma zu erm Genie,
des beherrschta owa scho wie.

Auf an Gebiet isa fixiert,
wos aundas erm net intressiert.

Hot gfundn in sein Tun an Sinn,
hot nur des ane im Hirn drinn.
I kaun erm a no guat vasteh,
kaun mit wos aundas net umgeh.

Auf an Gebiet isa fixiert,
wos aundas erm net intressiert.

Söltn wird a Frau zum Genie,
wäu sie vüseitig is, und wie.
He Mau, wos i drauf kuma bin,
Genie! host a nur ans im Sinn.

Auf an Gebiet bist du fixiert,
wos aundas di net intressiert.

© M.K.