Margit Kvarda
Hallo Mamschi
geschr. 25. 04. 2006
Hundert Johr wärst du heier gwesn,
des kau ma am Friedhof draußt lesn.
Ochtzen Johr is des scho wieder her,
so laung gibt’s unser Mamschi net mehr.
Elf Kinder san bei dir aufgwoxn,
schwa wor dZeit du host di durchboxn.
Mir hom dir gholfn, worn oft a schlimm,
davo i mi gor net außa nimm.
Oft host net gwußt wosd uns kochn sollst,
und net gwußt, va wo du sEssn holst.
Du worst a richtige Zauberin,
denn immer wor wos im Reindl drinn.
Mir Kinder worn sott, es hot uns gschmeckt,
in dir is a Tausendsassa gsteckt.
Host gnaht für uns die schenstn Kladln,
Hosn fürd Buam ernare Wadln.
Du host glebt nur für deine Kinder,
für deinen Maun owa net minder.
Ihr word a Poor, des net zwamoi gibt,
ihr habt euch über alles geliebt.
Des wor für uns Kinder des schenste Lebn,
des mir den Enkerln weiter gebn.
© M.K.
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 04.04.2007.
- Infos zum Urheberrecht / Haftungsausschluss (Disclaimer).