Margit Kvarda
I hob an Hausholt, sonnenklor
I hob an Hausholt sonnenklor,
wäu i im Dienst bad Bessern wor.
Und so an Hausholt findst net bold,
a jeda mi zum Putzn holt.
So vü Orbat in einem Haus,
bad Fensta siagst vor Dreck net aus.
Am Bodn drunt do liegt da Lurch,
mei Olda ziagt a launge Furch.
Die Bresln olle lieng am Tisch,
im Aquarium, hin da Fisch.
Da Hausholt is ba mir intakt,
die Kotz am söbn Plotz hinkakt.
Im Klo do is ka Wossa drin,
wäu i a wirklich sporsaum bin.
Die Spinnen fühln sich wia daham,
i bin furt, dass i nix vasam.
Die Blumen hob i heit gossn,
mei Olda kumt zu mir gschossn.
Die Blumen giaßt, de san net echt,
wos i dir a nur sogn mecht.
Du denkst, dass i voll deppert bin,
i hob jo gor ka Wossa drin.
(C) M.K.
Die Rechte und die Verantwortlichkeit für diesen Beitrag liegen beim Autor (Margit Kvarda).
Der Beitrag wurde von Margit Kvarda auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 04.05.2007.
- Infos zum Urheberrecht / Haftungsausschluss (Disclaimer).
drei.at (Spam-Schutz - Bitte eMail-Adresse per Hand eintippen!)