Selbstgespräch eines Betrunkenen

Prost Spezi. Wenn du glaubst das mei Oide schen is, dann hàst di teischt, gánz im Gegentum.
Prost Karl! Wás glaubst denn du von mir, ha!  Prost Spezi. Glaubst leicht du i hät a jede
Jetzt wia i áber do glei wüd, já glaubst leicht du i hätt a jede kriagt.
Prost Karl! für wen háltst du mi leicht, schau mi án und du waßt wo es láng geht.
Schaut so ein Ehrenmann aus? Beleidigen láß i mi net von an jeden,
der muaß scho a bisserl bleda sein áls i.
Prost Spezi. Trink a amol auf mi, i bin nämlich mein bester Freund, weil so an Mánn wia mi kánnst suachen du wirst kann finden, net in der gánzen Welt.
Sogár mei Frau is überglücklich mit mir. Wánn i meiner Frau ság, du wirst kann Mánn mehr kriagn, so wia i ana bin, ságt sie a jedes mál: Gott sei Dánk. Na ságs ehrlich Karl, hát des dei Frau scho amol zu dir gságt. Prost mei Weiberl.
Wir führn nämlich a guate Ehe, herst!  Dá hörst net amol a lautes Wort bei uns, wenn mei Frau net dá is.
I kánn nämlich a Frau glücklich máchen wánn i wü. Prost Frau!
Jetzt drink ma amol auf mi, já já Spezl wennst wüst, kánn i das beweisen, zeig mir die Frau die sich mit mir ein láßt. Prost I!
I wár meiner Frau wia sie selber ságt, schon immer eine Zumutung,
i bin nämlich ein einmaliges Exemplar.
Oder hást du schon amol so an Andonis gsehn, wia i ana bin, gibs zua, gö dá miaßast liagn. Prost Karl auf mi. Schau da meine Fusserl án, so a Depp der schaut genau auf meine Krámpfádern. Áber waunst scho so genau schaust, dánn muaßt a segn, wia sche die Aderln verteilt san. Du Hirnnederl kunntast froh sei, wáunst so schene ausgeprägte Pláttfiaß hättest wia i. Auwe du Áffenschedl, der zaht ma die Haut an Meter weg. Glaubst leicht du i háb ka Feingefühl, dás i des net gspir. Dá schau da mein Körperbau an, ka Breserl Fetten zum segn und ka einzige Fálten am Bauch, de háb i álle im Gsicht, wo sie a hingehören.  Umasunst bin i net da Schönste weit und breit in meiner Haut. Prost I olso jetzt kánnst es scho vastehn, wenn meine Frau ságt: Gott sei Dánk, das di nur amoi gibt auf dera Wöd.
Prost Korl, prost Weib, prosterer I

© M.K.