Horst Kussmann

Nix to bieten

Nix to bieten

Horst Kußmann
 
Glieks na den tweeten Weltkrieg gev dat jo ni veel to bieten – „achter de Kiem to schuven“, as wi seggt hebbt. Meistieds wär de Vadder jo noch bi den Russ‘ insparrt, un so mussen de Mudders alleen kieken, wie se ehr Kinner satt kreegen. Mennigmol geef dat en poor Daag lang Stickrövenmus to eten, de Stickröven harrn meist wi Kinner „besorgt“ – üm dat klor to seggen, wi harrn se de Buuern vun den Peerwogen klaut – jo, wi Kinner gungen ok all op Nahrungssuche.
So wärn wi ok den een Dag in Buuer Tiedemann‘s Peerbohnenfeld to gang, as mit eenmol de Buuer vör uns stunn un mit sien langen Pietsch knall. Jungedi wat sünd wi rennt, querfeldin över Stakkeldrothtuuns un Groovens sprung’n, un de Buuer jümmer mit sien Pietsch achter uns ran. Ik harr mi för Bang jo bald in’ne Büx makt, denn de Buuer wär jümmer dicht achter uns. Günni Möller bleef in den fast utdrögten Groov, in’ne Matsch steeken.
Dor harr he ‘n Slag mit de Pietsch övern Rüchen kreegen. „Dat dung asig weh“, vertell he uns neuß. As he utneiht is, is een vun sien Gummisteevels in’ne Matsch vun’ne Groov steken bleeven. He hett den tweeten Steebel denn ok wegsmeeten und to Huus vertellt, wat man em de Gummisteevels bi’et Angeln, as he se uttrocken harr, üm in’ne Groov to klattern, klaut hebbt.
Aver unsen halfvullen Büdel mit Peerbohn’n hebbt wi natürli mit op de Flucht nomen un so harrn wi för de tokomen Daagen jo mol wat anners as blots jümmer Stickröven to eten.
Wenn in’n Harfst de Suckerröven-Oorn wär, denn harrn wi Jungs jümmer en Papiertüt un ‘n Taschenmess dorbi. Un wenn denn de Buuern mit ehr Peerwogens vull mit Suckersäck vun de Suckerfabrik ut St. Donn bi uns vörbi kämen, denn weer een vun uns mit en Satz achterropp, een Sack opschlitz un unse Tüten gau mit bruunen Sucker füllt. Kreeg de Bueur dat aver mit, den geef dat en mit de Pietsch övertrocken. So’n Pietschenslag hebbt wi over geern in Koop nohmen, Hauptsook wi harrn ‘n Tüt vull mit düssen herrlich söten bruunen Sucker. Dat meiste dorvun hebbt wi aver tohuus affgeven, dat wär för uns jo groote Räuver-Ehrensook.
De Mudders hebbt uns nich looft un ok nich schimpt – se hebbt uns aver verkloort dat Klauen sik eegentlich nich hören deiht, aver dütt löppt je ünner „Mundraub“ un dor kunn’n man jo een Oog todrücken.
 

Vorheriger TitelNächster Titel
 

Die Rechte und die Verantwortlichkeit für diesen Beitrag liegen beim Autor (Horst Kussmann).
Der Beitrag wurde von Horst Kussmann auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 20.09.2016. - Infos zum Urheberrecht / Haftungsausschluss (Disclaimer).

Der Autor:

Bild von Horst Kussmann

  Horst Kussmann als Lieblingsautor markieren

Bücher unserer Autoren:

cover

Die Botschaft von Sherlan 1. Das Geheimnis des blauen Opals von Arno E. Corvis



Im Spannungsfeld zwischen Staatsgewalt, Dämonenmagie, kometenhaftem Aufstieg und jähem Absturz suchen zwei junge Menschen ihr wahres, innerstes Wesen zu erkennen und ihre Freiheit zu erringen. Als Leser sind alle angesprochen, die Spannung, Dramatik, Schönheit, große Gefühle und Geheimnisse von jenseits der Schwelle erleben wollen.

Möchtest Du Dein eigenes Buch hier vorstellen?
Weitere Infos!

Leserkommentare (1)

Alle Kommentare anzeigen

Deine Meinung:

Deine Meinung ist uns und den Autoren wichtig!
Diese sollte jedoch sachlich sein und nicht die Autoren persönlich beleidigen. Wir behalten uns das Recht vor diese Einträge zu löschen!

Dein Kommentar erscheint öffentlich auf der Homepage - Für private Kommentare sende eine Mail an den Autoren!

Navigation

Vorheriger Titel Nächster Titel

Beschwerde an die Redaktion

Autor: Änderungen kannst Du im Mitgliedsbereich vornehmen!

Mehr aus der Kategorie "Erinnerungen" (Kurzgeschichten)

Weitere Beiträge von Horst Kussmann

Hat Dir dieser Beitrag gefallen?
Dann schau Dir doch mal diese Vorschläge an:

De Bescherung von Horst Kussmann (Weihnachten)
Die Zecherl der Bäume von Adalbert Nagele (Erinnerungen)
Pilgerweg...letzte Episode von Rüdiger Nazar (Sonstige)

Diesen Beitrag empfehlen:

Mit eigenem Mail-Programm empfehlen