Heit kumt d`Pediküre

Heit kumt d´Pediküre, i fircht mi jo schau,

Da nächste Zeh, is jetzt zum owa folln drau.

Die Pedi die Küre, des muaßt da vaguna,

sie reanglt und schneid, das des Bluat is nur gruna.

Drei Tog wor des Pfloster am Zechn daun om,

am viertn Tog is min Zechn ogflong.

Mei Zechn der is um a Eck klana worn,

des Pfloster des hob i min Zechn valorn.

Die Inge hots glernt wia ma d`Zechn vabind,

sie hot ois im Koffer, wia schnö sie wos find.

Jo glaubts doch net ollas, des meiste is glong,

sie hot ma zum Spaß, nur mein Zechn vabong.

Geh Inge vazeih mir und sei ma net bös,

i moch doch an Spaß nur, geh wia net nervös.

Mei Zechn is wichtig i brauchn zum Geh,

i bin eh zufriedn, du mochst es so sche.

I wüs net vaderbn, wäust bös werdn kunst,

man hot jo im Zurn scho, so maunchn vahunst.

© M.K.