Ollaheilign

Auf d´Gräba geh, des is da Brauch;

De Doudn  b´suacha, wias  si` s  ghört.

„Sie“  trogt an Pelz – und „er“  sein´ Bauch,

„Sie“  duad a weng, ois ob se plärrt…

As Grob is  g´richt, und – weng de Leit

do miassn´s  deire Bleame sei…

As Beste ham se o´zogn  heit,

woar gwieß ned billig – aba mei´!

Da Pfarra kimmt, vaspritzt an Segn,

und wia ra Spuk is oiss vabei…

As ganze Joahr duan se´s ned pflegn,

as Grob… – Doch heit muaß´s  scho moi  sei!

                                                               P.U.  31.10.02