Paul Rudolf Uhl
d`Mundart
Woogscheitl und
Schneizdiache,
Kummet und aa
Hobagoaß,
Schame, Moar und Nosnbene -
is ned oiss, wos i no woaß...
Rankal nennt ma`n
Hüftnspeck,
zaach sogt ma,
geht ebbas schwer,
und putz i mei
Brotzeit weg,
hob i dann koan
Koidampf mehr!
Sechta is a Milli-Eima,
und da
Watschnbaam foitt um...
Mundart konn ma
pfundig reima !
Und dees werd ma aa ned z´dumm...
Einheimisch is
„oid ei´gsessn“,
und da Dowak,
der werd gschmaucht...
Vej so Ausdrück
sand vagessn,
weil`s hoit kaum
no oana braucht.
Kunstwörter
gibt`s: Cyberware…
Schreibn duad ma im Internet,
Englisch
re(d)n`s bloß no daher,
dass i moan, i
spinn komplett!
P.U.11.06.01
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 17.03.2009.
- Infos zum Urheberrecht / Haftungsausschluss (Disclaimer).