Ritter Knacksl 4

         Kacksl wurde vefhaftet!

     Ritter Knacksl – ja, mei Liaba –

     Mensch wos foitt eahm denn do ei? –

     Ham`s  vahaft´ ois Waffnschiaba!

     Koana glaubt`s - des konn ned sei´…

     Grund is – sogt da Pressesprecha –

     Wasserstoffsuperoxyd

     Hat da Knacksl – der Vabrecha –

     Ei´kauft iatzt bei ALDI Süd!

     Polizeichef – ganz a schnella –

     Staatsanwalt hat`s  aa durchschaut:

     Dass er in da  Burg im Kella

     Wasserstoffbombm  hat `baut!

     Knacksl`s  Burgfrau muaß vui woana:

     So a Schmarrn – uns konn ma trau´n!

     D´Hoar bleicha woitt i… – Glaubt oana,

     dass Atombombm  mia baun?

     I woitt ois Blondine flittern,

     dass des endli moi wos wird,

     dass a junga, fescha Ritter

     mi moi üba d`Straßn fiahrt…

                                                                    P.U. 05.04.09