Oiss lasst noch...

Wennst oid werst, dua ned lamentiern:

Es lasst oiss´ nach - geht nimma gscheid...

Nix mehr duad  so iatz funktioniern

wia damois in da Jugendzeit...

Mit Vierzg braucht mancher Ma´ a  Bruinn,

hat etli´ foische Zähn´ im Maj...

Do konnst di´ no´ so jung iatz fuinn,

im Kreiz hast´s  scho´ seit Fuchzge – gej -?

Mit Sechzge – Freindal, lass´ da  song -

vatrogst nimma dein´ Lieblings-Schmaus…

Mi´n Rheuma muaß´d  di´ vielleicht plong,

und ohne Pill´n  kimmst nimmer aus...

Mit Siebzg werst plattert  (was di´ reizt)

Der Trieb lasst aus - doch scham´ di  ned...

Du nimmst an Lift – de Treppn  meidst,

mi´m Hörn und Sehng - do werd´s a  Gfredd…

Doch jammert ned, du oida Bock:

Setz Bruinn auf und nimm Kukident

Viagra,  `s Hörgerät , an Stock…

Dei´ Lebm  is lang no´ ned am End!