Socken (2)

Nach einer Kurzgeschichte von Christine Mielk und eigener Erfahrung: Die einzelnen Socken vermehren sich rasend! (;-))

                                    Familie oder Singl-Haushoit:

    ´S wird überoi des   Gleiche sei:   

                                    De Sockn kauft ma paarweis ei    

                                   im Fünferpack – und bar wird aa zoit…    

                                De oanzejna*  wer(d)n  oiwei mehra,

De Paarl, de wer(d)n  scho langsam rar!  

Ob d`Waschmaschin do schuid dro waar?

De gibt woj  manche nimma  hera !?

Des mecht i iatz scho wirkli wissn!           

Im Flusnsieb? – Do hängan`s  ned….

Mei Frau hat nochgschaut – jede Wett - 

in d`Bettbezüg und in de Kissn.    

Vadächtigt hat mei Wei iatz mi scho:

A Loch wenn oana hat, ja  dann     

hast`n  woj weg gschmissn – Oh Mann!

- Ois Ma, do bist hoit oafach oam** dro…

Mir is des gleich: I  ziag an graua 

aa zua `ram schwoarzn  o – ja mei!           

Wer schaut denn do? – I bin so frei -

und manchmoi aa  oafach an blaua…   (;-))

* die Einzelnen       ** arm                          P.U.  30.07.09