Paul Rudolf Uhl
Harmonie (Auf d`Spat)
De Bleamal blüahn um d Wett im Goartn!
Schau – weiß und lila, gejb und rot…
Mia ham ja glei a so vej Artn!
Sitz draußt mit Weißbier, Schnitzlbrot…
Mei Wei is aa do – Negligee
hat´s o – mit mia auf da Terrass,
da find i `s Le(b)m hoit extra schee!
De Öst´reicher da(d)n sogn: „`s is Klass!“
Ins Haus gengan mia lang no ned….
De Hitz vabei – mei Weibal bringt
a zwoate Hoibe – aa ned blöd...
Und lus, wie pfundig d`Amsl singt!
Vo weitm hörst `poar Kroha schrei´n…
De Schwaibal, de fliang ganz hoch drobm.
Grod: d`Muckn konn i goar ned lei(d)n...
I trink wieda... – Guat! – Muaß ma lobm!
Schee staad wird`s finster, `s kemman d Stern,
da Mond hängt gwampert drin im Baam.
Mei Schatz und i - mia ham uns gern!
Des find`st ja dem Alter kaam…
* am Spätnachmittag, gegen Abend
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 11.08.2009.
- Infos zum Urheberrecht / Haftungsausschluss (Disclaimer).