Oaschichtig

 (nicht autobiografisch!)

De Woch´ sitz  i  im Bus ganz faul,

ne(b)m  mir a Frau – so oid wia  i –

Sie schaut mi a –   „Ja, mei – da Paul –

wia geht`s  da denn? – Ja, Sakradie !“

Do merk i – des is de Annett`,

a Jugndfreindin… - Woar de wejd!

A Weib (mit jedm glei ins Bett),

bei der da Anstand ned vej gejt…

Mia woarn vier Wochn grod beinand –

lang  guat  ganga  is`s  mit uns ned…

Do nimmt se mi glei bei da Hand:

„Hast denn a Weibal, Paule? – Red´!“

Bin Witwer scho seit fuchzehn Joahr –

mit dera fang i gwieß nix o…

Drum sog i:  „Freili – zwoa sogoar!“

Sie:  „Scham´ Di!“ – Ausgstiegn und davo…

So bin i`s  los gwor(d)n – Gott sei Dank –

Und oaschichti*  werd i  aa  blei(b)m.

Bind  oft scho gsessn in `ram Schrank…

Iatz mecht is nimma so schlimm trei(b)m…

* solo, ledig                                                                     P.U.  17.08.09